Fótbóltslandsliðið við kvinnum nýggjan hjálparvenjara

Svenn Olsen hevur A- venjara prógvið hjá UEFA og hevur royndir sum høvuðs- og hjálparvenjari í føroyskum fótbólti, bæði hjá kvinnum og monnum.

– Uppgávan at lyfta og menna føroyskan kvinnufótbólt og fótbólt yvirhøvur er stór, og eg eri glaður fyri at kunna vera við á tí ferðini. A-landsliðið hjá kvinnum er eisini í menning, sigur Svenn Olsen við heimasíðuna hjá Fótbóltssambandinum.

Fyrsta venjingin hjá nýggja hjálparvenjaranum verður longu mánakvøldið.

Landsliðið fer í februar á venjingarlegu í Marbella. Legan er liður í fyrireikingunum til HM-undankappingardystirnar seinni í ár.