Tá Sonni Larsen bað føroyska hondbóltslandsliðnum farvæl sunnkvøldið segði hann, at hann ivaðist ikki í, at føroyska landsliðið, um ikki so nógv ár, fer at vinna seg fram millum tey 24, sum fara at taka lut til eitt endaspæli, men nú, tá Evropeiska Hondbóltssambandið hevur gjørt endaligu støðuna upp, so er greitt, at tað var nær við at vinna sær luttøku til EM-endaspælið.
EHF hevur nú gjørt støðuna upp fyri teir átta bólkarnar í EM 22-undankappingini, har liðini, sum endaðu nummar eitt og tvey hava vunnið seg til endaspælið, umframt fýra teir bestu trýararnir, so er Ukraina eitt av liðunum, sum kom víðari sum trýari. Ukraina fekk fimm stig, harav fýra vóru móti Føroyum og eitt móti Russlandi.
Í uppgerðini telja stigini móti liðunum, sum endaðu nummar fýra ikki við, og tí kom Ukraina sostatt víðari uppá tað eina stigið, ið teir vunnu móti Russlandi. Høvdu Føroyar vunnið heimadystin móti Ukraina, so var Føroyar komið víðari uppá tey tvey stigini, sum Føroyar fekk móti Kekkia.
Fýra lið flyta niður og skulu leika eina undan-undankapping. Hesi eru Belgia, Finnland, Turkaland og Lettland.
Endaliða støðan í bólkunum sæst her:
Kelda: Ári Rouch/Hondbóltssamband Føroya
