Føroyska kvinnulandsliðið spælir hetta vikuskiftið tveir venjingardystir ímóti Íslandi. Dystirnir verða brúktir til at fyrireika seg til HM-undankappingardystir ímóti Kosovo í næstum.
Tað sást á dystinum at bæði liðini royndu nøkur nýggj ting, sum tað ofta verður gjørt í venjingardystum.
Góð mótstøða
Ísland hevur seinastu árini spælt upp við fleiri góð landslið. Millum annað ein sigur á Spania og Serbia, og spælt tættar dystir við Frakland og Svøríki.
– Vit eru ógvuliga væl nøgd við at fáa Ísland her heim at spæla. Tað gevur nógv at hava góða fyrireiking ímóti góðum liðum, sigur Sonni Larsen, venjari hjá føroyska landsliðnum.
Hann ásannar at nógvu royndirnar hjá íslendingunum eru avgerðandi í dystinum leygardagin, men tað er ikki tað sum er umráðandi, staðfestir hann.
– Vit arbeiða væl við nógvum tingum. Serliga álopsspælinum hava vit arbeitt við í gjár og fyrradagin, og har er nógv gott at taka við frameftir, sigur hann.
Ísland byrjaði best
Í fyrra hálvleiki var tað íslendingar sum høvdu yvirtakið. Málverjin hjá grannunum vestanfyri hevði fleiri góðar bjargingar tá føroysku leikararnir komu fríir ígjøgnum.
Føroyski málverjin stóð eisini væl í langar løtur. Annika Fríðheim Petersen sum vardi málið fyri tað mesta í fyrra hálvleiki, hevði fleiri góðar bjargingar.
Í álopinum vóru tað Súna Krossteig Hansen og Jana Mittún sum løgdu tey tyngstu trýstini, meðan Marianna Geirsdóttir Eystberg skoraði flestu málini, serliga tá hon fekk møguleika at skjóta brotskast.
Málverjar á høgum støði
Báðir málverjarnir hjá Føroyum spæla í bestu donsku deildini. Rakul Wardum spælir við Ajax í Keypmannahavn, meðan Annika Fríðheim Petersen spælir í Nykøbing Falster. Venjarin sigur at tær hava stóran týdning fyri liðið.
– Vit hava málverjar sum halda eitt høgt støði, og tær eru góðar til ymisk ting. Tað brúka vit í samstarvi við verjuna millum annað, sigur venjarin.
Sonni Larsen greiðir frá at tær taka stór fet í hvørjum, og tað er gott fyri landsliðið.
– Tað er ikki bert gott fyri at fáa nógvar bjargingar, men tær trýsta eisini allar útileikararnar at kýta set eitt vet afturat fyri at skora til venjing, sigur hann.
Lítði “comeback” eftir steðgin
Føroyingarnir vóru hvassari í avgerðandi støðunum tá tær komu út til seinna hálvleik. Føroyska liðið javnaði til 17-17 eftir átta minuttir vóru leiktir av seinna hálvleiki
Málverjin Rakul Wardum varð skift inn, og hon hevði eisini fleiri góðar bjargingar hesa løtuna.
Hóast føroysku kvinnurnar bardust væl, vísti Ísland sína styrki ímóti endanum. Serliga íslendska verjuspælið saman við skjótum mótálopum gjørdi tað trupult fyri Føroyar. Ísland legði seg á odda 20-27 tá sjey minuttir vóru eftir at leika. Eftir hetta var dysturin so at siga avgjørdur. Dysturin endaði 23-28.
Dystur aftur í morgin
Seinni venjingardysturin ímóti Íslandi verður í morgin, sunnudagin. Venjarin sigur at tað liðið fer at royna ymisk ting, og nakrir av stuðulsleikarunum sleppa at hvíla seg ein part av dystinum.
– Teir fyrstu 20 minuttirnar fara vit at spæla við a-ketuni, og leggja nógv fyri. Eftir tað sleppa nakrar av teimum at hvíla seg. Tað er fyri at tær skulu vera klárar til komandi viku, og komandi dystir, sigur Sonni Larsen.
– Millum annað Maria Pálsdóttir Nólsoy fer at spæla ein stóran part av dystinum, og Marita Mortensen sleppur eisini at vísa seg fram, sigur hann at enda.
Málskjúttar hjá Føroyum
Marianna Geirsdóttir Eystberg, 6
Súna Krossteig Hansen, 2
Rannvá Olsen, 1
Ninna Katrin Johansen, 1
Ingibjørg Olsen, 1
Maria Hallsdóttir Weyhe, 2
Pernille Brandenborg, 1
Lív Zachariasen, 1
Lív Sveinbjørnsdóttir Poulsen, 2
Jana Mittún, 6
