Klokkan 19.45 verður fyrsta bríksl í Montenegro, har Føroyar fer at spæla fótbóltslandsdyst.
Sammett við leygarkvøldið, tá ið Føroyar taptu 2-1 í Kekkia, er føroyska liðið broytt í fýra plássum.
Nýggir millum teir fyrstu ellivu eru Mattias H. Lamhauge, Jóannes K. Danielsen, René Shaki Joensen og Petur Knudsen. Teir avloysa Bárð á Reynatrøð, Jann J. Benjaminsen, Hall Hansson og Árna Frederiksberg.
Føroyska liðið er soleiðis mannað í kvøld: Mattias Heðinsson Lamhauge – Jóannes Kalsø Danielsen, Odmar Færø, Gunnar Vatnhamar, Andrias Edmundsson, Viljormur Davidsen – Hanus Sørensen, René Shaki Joensen, Brandur Hendriksson Olsen, Meinhard Egilsson Olsen – Petur Knudsen.
Hetta er 10. ferðin, at Mattias H. Lamhauge verjir føroyska málið. Mattias hevur leingi verið skaddur, og hann hevur ikki vart málið á landsliðnum í eitt ár. Tað gjørdi hann síðst, tá ið Føroyar 26. mars í fjør taptu 2-0 í vinadysti ímóti Danmark í Brøndby.
