Næstu dagarnar verður nógvur landsliðsfótbóltur á skránni á Tórsvølli og á Ovara vølli í Gundadali.
Føroyar vera nevniliga vertir fyri EM-undankappingini fyri U17 gentur, og umframt Føroyar sum vertsland, vera Rumenia, Georgia og Lettland eisini við í kappingini.
Lagt verður fyri á Tórsvølli sunnudagin 17. mars klokkan 13:00, tá Lettland og Føroyar fara á vøllin. Klokkan 17:00 spæla Rumenia og Georgia.
Sunnudagin 17. mars
Kl. 13:00 Lettland – Føroyar
Kl. 17:00 Rumenia – Georgia
Mikudagin 20. mars
Kl. 13:00 Føroyar – Georgia
Kl. 17:00 Rumenia – Lettland
Leygardagin 23. mars
Kl. 17:00 Føroyar – Rumenia
Kl. 17:00 Georgia – Lettland (á Ovara vølli í Gundadali)
Tað er ókeypis atgongd til allar dystirnar. Í hesum sambandi verður heitt á áskoðararnar um at brúka inngongd J á Tórsvølli.
