Føroyar og Danmark bresta saman í bólkaspælinum

Føroyska kvinnulandsliðið í hondbólti skrivaði søgu fyrr í hesum mánaðinum, tá tær á fyrsta sinni spældu seg víðari til eitt EM endaspæl.

Lutakastið til bólkaspælið hevur júst verið, og tað háttaði seg soleiðis, at Føroyar og Danmark komu í bólk saman. Hini bæði liðini í bólki D eru Sveis og Kroatia:

• Danmark

• Sveis

• Kroatia

• Føroyar
  

EM verður spælt í Eysturríki, Sveis og Ungarn. Okkara bólkur verður spældur í Basel í Sveis. Fyrsti dystur hjá føroysku kvinnunum verður ímóti vertstjóðini, Sveis, 29. novembur.