Hetta gjørdist eitt spennandi lutakast, har Føroyar endaðu í bólki F. saman við Danmark. Tað er fyrstu ferð síðani 1990, at vit aftur eru í bólki saman við Danmark.
Eftir minniríka 1-0 sigurin móti Eysturríki í 1990, hava Føroyar verið í bólki saman við eysturríkum tríggjar ferðir: Í undankappingini til EM-endapælið í 1992, til HM-endaspælið í Suðurafrika 2010 og undankappingini til HM-endaspælið í 2014, tá vit taptu 6-0 úti og 0-3 heima.
Taxafólk og barrirnar hava havt góðar dagar, tá vit hava verið í bólki saman við Skotlandi, og sleppa fólk at ferðast aftur í komandi árið, so verða tað aftur góðir dagar í Havn, tá The Tarten Army vitjar okkara brimbardu oyggjar. Føroyar og Skotland hava fýra ferðir fyrr verið í bólki saman, men seinast vit spældu móti Skotlandi var afturi í 2007, tá skotar vunnu 2-0 á Svangaskarði.
Ísrael hava vit verið í bólki saman við eina ferð áður. Tað var í undankappingini til HM-endaspælið í Týsklandi 2006, tá vit taptu 0-2 heima og 2-1 á útivølli.
Moldova var sterkasta landið av teimum fimm veiku í Evropa, og hetta er fyrstu ferð, at Føroyar eru í bólki saman við moldovum.
Bólkur F: