Fólkatingið hart rakt av koronu

Meðan seks ráðharrar og fleiri fólkatingslimir eru farin í sóttarhald, er dagsins atkvøðugreiðsla í Fólkatinginum avlýst.

Koronafarsóttin breiðir seg júst nú á Christiansborg. Nakrir fólkatingslimir eru smittaði, og fleiri ráðharrar eru farin í sóttarhald. Eisini er framsøgumaðurin hjá Vinstra í fólkatinginum og fyrrverandi veðurlagsmálaráðharrin, Lars Christian Lilleholt, innlagdur fyri bæði COVID-19 og lungnabruna. Tað skrivar hann á Facebook:

Harafturat eru fleiri ráðharrar og fólkatingslimir, ið týsdagin siga, at tey eru farin í sóttarhald og fara at kanna seg fyri korona. Hesi eru:

Sosialdemokratiskir ráðharrar:

Løgmálaráðharrin, Nick Hækkerup

Vinnumálaráðharrin, Peter Hummelgaard

Útbúgvingar- og granskingarmálaráðharrin, Ane Halsboe-Jørgensen

Barna- og undirvísingamálaráðharrin, Pernille Rosenkrantz-Theil

Umhvørvisráðharrin, Lea Wermelin

Ráðharrin fyri matvøru-, fiskarí-, javnrættindis- og ráðharrin fyri norðurlendska samarbeiði, Mogens Jensen

Onnur eru:

Formaðurin fyri konservativa fólkaflokkin, Søren Pape Poulsen

Bólksformaðurin fyri danska fólkaflokkin, Peter Skaarup

Umframt fólkatingslimirnar:

Naser Khader

Kasper Sand Kjær

Karina Lorentzen Dehnhardt

Í dag skuldi atkvøðast um mál í Fólkatinginum, men hetta er avlýst.

Harafturat er dagsins spurnartími við forsætisráðharranum, Mette Frederiksen, eisini avlýstur.

Kelda: Ritzau og TV2.