Fólk fyri lívi á gøtunum í Texas

Í Austin í amerikanska statinum Texas vóru fleiri íbúgvar á gøtunum í gjár til árligu “Rally for Life”.

Mótmælisfólkini eru í móti fosturtøku – og á heimasíðuni hjá tiltakinum, stendur millum annað: “Vit skulu nú meira enn nakrantíð halda fram við okkara innsatsi fyri at stuðla lívinum”.

Tað er ólóligt at taka fosturtøku í Texas.

Í juni 2022 kolldømdi hægstirættur í USA avgerðina “Roe v. Wade” frá 1973, sum tryggjaði kvinnum rættin til fosturtøku í øllum USA.

Tað merkti, at grundlógartryggjaði rætturin til fosturtøku hjá kvinnum í Amerika varð tikin aftur. Í dag er tað upp til statirnar sjálvar, at lóggeva í spurninginum um fosturtøku.