Fípan Fagra fekk fult

Tað gekk soleiðis, sum tað hevur gingið allar tær seks undanfarnu ferðirnar, tá ið dreingirnir kappaðust í barnaróðrinum.

Líkindini at rógva kapp vóru av teimum bestu á 500 metra teininum, sum er í lívd av Molanum.

Gongdin og úrslitið var soleiðis, sum tað hevur verið allar hinar seks ferðirnar fyrr í summar.

Fípan Fagra legði seg beinanvegin á odda, og Fípan Fagra var skjótt tað mesta av einari bátslongd undan avbjóðarunum. Tað var undan ólavsøku greitt, at Fípan Fagra var meistari. Næsti avbjóðarin hevur verið Blikur av Argjum, og soleiðis var tað aftur í dag. Fípan Fagra var á málinum meiri enn tvær bátslongdir undan Bliki, og so var heilt tætt millum fýra teir næstu bátarnar.