Tórshavnar býráð hevur eina játtan til at stuðla føroyskum filmum - og nú hava átta filmar fingið stuðul. Endamálið við stuðlinum er at menna filmsvinnuna í Tórshavnar kommunu og tilsamans var ein millión til taks at lata í stuðuli.
Í hesum sambandi hevur Býráðið gjørt av at stuðla átta filmsverkætlanum.
Tá umsóknarfreistin var farin, vóru 19 umsóknir komnar inn og eftir tilmæli frá einum arbeiðsbólki við umboðum frá Stjórnarskrivstovuni, Mentamáladeildini, Hugskotinum og ráðgeving frá uttanveltaðum serfrøðingi, valdi vinnunevnd Tórshavnar býráðs at veita hesum átta filmunum stuðul:
Spælifilmurin "Island Fever", Kykmyndir: 300.000 krónur
Spælifilmurin "Verdandi", Natalie Holzel: 160.000 krónur
Stuttfilmurin "Undirgangur #1", Symphor Film: 150.000 krónur
Heimildarfilmurin "Rossið", Filmsvirkið: 100.000 krónur
Stuttfilmurin "Krámararnir", Sp/f Fixer: 100.000 krónur
Stuttfilmurin "Tað er ikki synd í mær", Hugmynd: 60.000 krónur
Dansistuttfilmurin "Vón", RAMMATIK: 60.000 krónur
Heimildarfilmurin "Menniskja", RVH Productions: 50.000 krónur
Eitt, sum arbeiðsbólkurin vísti ám er at filmarnir hava stórar vinnuligar menningarmøguleikar og sosttatt eru teir við til at styrkja film sum vinnugrein í Tórshavnar kommunu.
