Føroyska badmintonlandsliðið vann ikki minni enn tvey gull, trý silvur og fimm bronzu heiðursmerki í altjóða kappingini Invitational Games á Malta.
Kappingin var í døgunum 8. til 10. november, og umframt Føroyar vóru eisini Kýpros og Malta við.
Allir føroysku leikararnir vunnu heiðursmerki í kappingini, og ungdómslandsliðið vann seg í fýra av fimm finalum, har tann eina finalan varð føroysk burturav.
Umframt kappingina hava ungu badmintonleikararnir eisini havt venjingardystir móti vaksnu leikarunum og ungdómsleikarum úr Malta.
Landsliðsvenjarin, Fai Yin Wong, og vit í Badmintonsambandinum eru sera væl nøgd við úrslitið hjá føroyska ungdómslandsliðnum, sigur Badmintonfelagið.
Úrslit:
Einmansleikur kvinnur:
Gull: Ranja Joensen
Bronsu: Birna Jacobsen
Einmansleikur menn:
Silvur: Jafet Rasmussen
Bronsu: Markus Bjarnason
Bronsu: Sjúrður E. H. Eysturoy
Tvímansleikur kvinnur:
Gull: Ranja Joensen og Oddbjørg í Buð Justinussen
Silvur: Birna Jacobsen og Julianna í Heiðunum
Tvímansleikur menn:
Bronsu: Markus Bjarnason og Leiki Dal-Christiansen
Blandaður tvímansleikur:
Silvur: Tóki Yngvason Guttesen og Ranja Joensen
Bronsu: Sjúrður E. H. Eysturoy og Eira Petersen
