Klokkan 17 í morgin verður seinni dysturin í høllini í Vestmanna millum VÍF og SSV Bixen úr Italia. Tá fer italska liðið á vøllin við leiðslu á tvey mál.
VÍF var frammanfyri 18 – 17, tá ið teir fóru at hvíla seg, og sjey minuttir eftir steðgin var VÍF frammanfyri við tveimum málum. Heilt stóri spælarin hjá VÍF í kvøld var Filip Jojic, sum var bakkur í vinstru. Hann skoraði 17 mál ella tætt við helmingin av VÍF málunum. Tá ið stívliga 40 minttir vóru farnir, var 25 – 25, og síðani var SSV Brixen alla tíðina frammanfyri.
-Teir vóru ikki so høgir, og tá ið teir fyri tað mesta vóru heilt inni á strikuni, tá ið teir vardu, so var tað ikki so torført hjá mær at skjóta. Nú er fyrri hálvleikur av, og í seinna hálvleiki í morgin hava vit møguleikan, og vit rokna við honum, sigur Filip Jojic.
Smáar 10 minuttir undan leikloki í kvøld sá tað út til, at alt var avgjørt, tí tá var italska liðið, sum í kvøld átti heimavøll frammanfyri við fimm málum.SSV Bixen var frammanfyri 33 – 28, og um leiðslan var so stór ella størri enn tað, so hevði tað verið øgiliga tungt hjá VÍF í morgin samantalt at vinna.
Men síðstu løtuna vístu vestmenningar fínan hugburð, og teir stríddu og spældu seg til tap, sum var tvey mál, og tí er alt opið undan dystinum í morgin.
Ein lítlan minutt undan leikloki skoraði Jóhannes Bjørgvin og so var 36 – 35, men mótstøðuliðið svaraði aftur og vann við 37 – 35. VÍF átti síðsta álopið, men tað eydnaðist ikki at vinna úrtøku, og so endaði tað við tvey mála tapi.
Síðstu fimm minuttirnar í kvøld var Filip ikki á vøllinum. Tá vóru tað aðrir heimamenn í Vestmanna, sum tóku ábyrgd, men tað er einki at liggja omaná, at tað verður øgiliga tungt hjá VÍF i morgin, um Filip Jojic ikki verður førur fyri at spæla.
-Talan er ikki um skaða. Tað var talan um krampa, sum bar við sær, at eg ikki var førur fyri at spæla við fullari ferð. Eg segði við venjaran, at eg var førur fyri at vera við síðstu lítlu løtuna, men hann helt, at tað var betur, at eg bíðaði til í morgin, greiðir Filip Jojic frá
-Kenslan er eitt sindur ambivalent. Vit avmarkaðu tapið til tvey mál, men tað er alt ov mikið, at vit lótu 37 mál fara ígjøgnum. At teir hava so fáar spælarar við til Føroya vóna vit í morgin fer at vera okkum til fyrimunar, sigur Andrias Eriksen hjá VÍF við Sjúrð Hoydal, sum segði frá dystinum á sjónvarpsrásini hjá Hondbóltssambandinum.
-Eg haldi, at vestmenningar vóru ov friðarligir í kvøld. Teir kundu havt larmað meiri og harvið lagt trýst á dómararnar og mótstøðuliðið, og tað vóna vit, at teir fara at gera í morgin, tá ið tað vera vit, sum fara at eiga heimavøll í Vestmanna, sigur Andrias Eriksen.
SSV Brixen – VÍF 37 – 35 (17 – 18)
European IHF Cup
Í Vestmanna leygardagin 2. desember 2023 kl. 17.00
VÍF: Mladen Mjerimacka, Brandur Silvurstein (málverjar), Filip Jojic 17, Tróndur Johnson 4, Sjúrður Olsen 2, Hallur Arason 4, Jón Müller 2, Kristian Jensen 1, Eyði Bjargarson, Jóhannes Bjørgvin 1, Andrias Eriksen 1, Djóni Bárðarson Nielsen, Brandur Martinsson Hansen, Óla Jákup Gaard Olsen, Fríði Holm í Innistovu, Magnus Müller 3
Á beinkinum: Nuno Farelo, Eli Müller, Jóngerð Nielsen
1-0
1-1
2-1
3-1
3-2
4-2
05 4-3
4-4
4-5
5-5
6-5
10 6-6
6-7
6-8
7-8
15 7-9
7-10
8-10
8-11
9-11
20 10-11
10-12
11-12
11-13
12-13
13-13
13-14
25 14-14
14-15
15-15
15-16
16-16
16-17
16-18
30 17-18
HÁLVLEIKUR
18-18
18-19
19-19
19-20
20-20
20-21
21-21
35 21-22
21-23
22-23
23-23
23-24
24-24
40 25-24
25-25
26-25
27-25
45 27-26
28-26
29-26
29-27
30-27
31-27
50 31-28
32-28
33-28
33-29
33-30
34-30
55 34-31
34-32
35-32
35-33
36-33
36-34
36-35
60 37-35
