Ferðafólk breyt fótin á Kallinum

Fyrrapartin var eitt ferðafólk óheppið undir útferð á Kallinum í Kalsoynni. Boðini til Vørn vóru, at ferðafólkið hevði brotið fótin.

Tyrlan hjá Atlantic Helicopters varð send í Kalsoynna, og hon flutti ferðafólkið á Landssjúkrahúsið í Havn til viðgerðar. 

Tað tók ein góðan tíma, frá tí at boðini komu, til ferðafólkið var latið Landssjúkrahúsinum.