Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Eyðbjørn Thomsen, borgarstjóri í Sumbiar kommunu:
Hvat avrik í hesum valskeiðnum er tú fegnast um?
- Tað er einki, sum eg ynski at taka fram um eitt annað, men fegnist um tað, sum er gjørt í hesum valskeiðnum, og at bygdaráðið arbeiðir væl saman. Fegnist eisini um, at Sumbiar kommuna er skuldarfrí í 2024.
Hvat mál, sum ikki eydnaðist at loysa í hesum valskeiðnum, iðrar tú teg mest um?
- Eg irði meg mest um, at okur í Suðuroynni ikki megna, at betra um korini hjá okkara eldri borgarum, og at landsmyndugleikin ikki sær, at leisturin við afturbering til eldraøki ikki er haldbarur fyri kommunurnar í Suðuroynni.
Hvat er størsta málið, sum er fyri framman, í komandi valskeiði?
- Tað er at fáa virðilig og endalig hølisviðurskifti til okkara dagrøkt.
Stillar tú upp aftur á komandi kommunuvali?
- Ja, tað er planurin!
