Fýra av teimum fimm dystunum í bestu fótbóltsdeildini hava verið í dag. Tann síðsti verður í morgin, tá ið KÍ fær vitjan av ÍF.
Síðsta bríksl í síðsta dystinum í kvøld var, tá ið klokkan nærkaðist hálvgum níggju. Tað var í Trongisvági, har B36 vann sera sannførandi 4-0 sigur. Fýra ymiskir spælarar skoraðu, og tað sást væl bæði undan og undir dystinum, at B36 venjarin Dan Brimsvík í vali av teimum fyrstu ellivu og í skiftingum í seinna hálvleiki hugsaði um fyrireikingarnar til fjórðingsfinaluna í kappingini um løgmanssteypið. Hon verður týskvøldið, tá ið B36 og HB bresta saman í Gundadali.
HB vann fyrr í dag trivaligan 3-0 sigur í Hólmanum á Eiði. Mikkel Dahl var tvífaldur málskjútti. Nú hevur hann skorað átta mál í teimum fyrstu átta landskappingardystunum í ár. Miðvallarin Matthias Præst Nielsen skoraði eitt av HB málunum í dag. Hann skoraði eisini, tá ið HB í fyrsta umfari og á heimavølli vann 4-1 ímóti B68.
Í Sørvági kendist tað striltið hjá Víkingi, áðrenn tað glapp, og Víkingur vann 2-1. Fimm minuttir undan steðinum legði miðvallarin Høgni Egilstoft Nielsen við rimmarskoti úr 18 metrum heimaliðið á odda. Víkingur svaraði aftur í seinna hálvleiki, tá ið Signar á Brúnni við fínum langskoti og Arnbjørn Svensson við stútara eftir horna úr vinstru skoraðu innanfyri tveir minuttir miðskeiðis í seinna hálvleiki, og so vann Víkingur 2-1.
Á Svangaskarði vann B68 1-0 ímóti AB. Sigursmálið skoraði miðvallarin Ragnar Samuelsen longu, tá ið 10 minuttir vóru farnir. B68 hevði í fyrra hálvleiki møguleikar at skora minst fýra mál. Eftir steðgin var AB avrikið so nógv betri, enn tað hevði verið í fyrra hálvleiki, og AB hevði avgjørt ikki marginalirnar á sínari síðu, tá ið argjamenn stutt undan dystarenda royndu seg við frísparki.
EB/Streymur – HB 0-3 (0-2)
0-1: Mikkel Dahl 6.
0-2: Matthias Præst Nielsen 24.
0-3: Mikkel Dahl 73.
B68 – AB 1-0 (1-0)
1-0: Ragnar Samuelsen 10.
07 Vestur – Víkingur 1-2 (1-0)
1-0: Høgni Egilstoft Nielsen 40.
1-1: Signar á Brúnni 67.
1-2: Arnbjørn Svensson 69.
TB – B36 0-4 (0-2)
0-1: Jann J. Benjaminsen br 26.
0-2: Michal Przybylski 39.
0-3: Benjamin Heinesen 52.
0-4: Bjarki C. Nielsen 89.
Leygardagin
KÍ – ÍF: Dagfinn Forná kl. 18.00
KÍ | 7 | 7 | 0 | 0 | 23 | 4 | 21 |
HB | 8 | 6 | 2 | 0 | 21 | 4 | 20 |
B36 | 8 | 6 | 0 | 2 | 18 | 8 | 18 |
Víkingur | 8 | 4 | 2 | 2 | 15 | 10 | 14 |
ÍF | 7 | 3 | 0 | 4 | 8 | 9 | 9 |
B68 | 8 | 2 | 3 | 3 | 9 | 16 | 9 |
EB/Streymur | 8 | 2 | 1 | 5 | 5 | 11 | 7 |
07 Vestur | 8 | 2 | 1 | 5 | 10 | 15 | 7 |
TB | 8 | 1 | 2 | 5 | 4 | 22 | 5 |
AB | 8 | 0 | 1 | 7 | 1 | 15 | 1 |
Løgmanssteypið
Fjórðingsfinalur
Týsdagin 9. mai
EB/Streymur – Skála: Rúni Gaardbo kl. 18.00
B68 – NSÍ : Kári J. á Høvdanum kl. 18.00
B36 – HB: Jóhan Hendrik Ellefsen kl. 18.00
AB – 07 Vestur: Bjarki Danielsen kl. 17.00
9. umfar
Sunnudagin 14. mai
EB/Streymur – 07 Vestur: Dagfinn Forná
B68 – TB: Jóhan Hendrik Ellefsen
HB – KÍ: Alex Troleis kl. 15.00
B36 – ÍF: Rani A. Skaalum kl. 17.30
Mánadagin 15. mai
Víkingur – AB: Heini Ziskason Viðoy kl. 19.00
