Sunnudagin vera tveir teir síðstu dystirnir í 8. umfari í bestu landskappingini. Tá fara ÍF og Skála at spæla í Fuglafirði, og tá fara HB og B36 at dystast í Gundadali. Í Fuglafirði er tað serliga hjá ÍF, at nógv stendur upp á spæl, tí ÍF hevur í sjey teimum fyrstu umførunum bara vunnið eitt stig og er aftast.
Í Gundadali er dagsskráin, um B36 heilt skal varpast úr kappingini um pláss í Europa ella um HB skal taka seg næst Víkingi.
Leygardagin vóru tað tríggir dystir í áttanda umfari.
Víkingur vann favorittsigur á útivølli ímóti EB/Streymi. Víkingarnir vunnu 3-1 og hava harvið vunnið 21 sigrar á rað í landskappingini.
Í Klaksvík vann KÍ 2-0 ímóti 07 Vestur, sum longu eftir 20 minuttir var undirmannað, tí liðformaðurin Frederik Holst í eini og somu hending sá gula kortið tvær ferðir og harvið eisini sá reytt.
Á Svangaskarði legði B68 seg eftir eitt lítið korter á odda við brotssparki. Toftamenn hildu tørn um leiðsluna og høvdu kós ímóti ársins fyrsta sigri, inntil tað restaðu átta minuttir. So koppaði NSÍ øllum á høvdið og vann 2-1. Uppflytararnir í NSÍ hava 15 stig. Teir eru á fjórða plássi og harvið av álvara við í kappingini um europeisku atgongumerkini.
KÍ – 07 Vestur 2-0 (0-0)
1-0: Céderic Yambéré
2-0: Páll A. Klettskarð 89.
B68 – NSÍ 1-2 (1-0)
1-0: Bartal Páll Klein br 14.
1-1: Búi Egilsson 82.
1-2: Dion B. Splidt 94.+
EB/Streymur – Víkingur 1-3 (0-1)
0-1: Finnur Justinussen 28.
0-2: Árni Nóa Atlason 61.
1-2: Andras Ó. Olsen 85.
1-3: Martin Klein Joensen 91.+
Sunnudagin 5. mai
ÍF – Skála: Alex Troleis kl. 15.00
HB – B36: Dagfinn Forná kl. 17.00
Víkingur | 8 | 8 | 0 | 0 | 24 | 4 | 24 |
KÍ | 8 | 6 | 0 | 2 | 17 | 6 | 18 |
HB | 7 | 6 | 0 | 1 | 15 | 5 | 18 |
NSÍ | 8 | 5 | 0 | 3 | 16 | 11 | 15 |
B36 | 7 | 3 | 2 | 2 | 14 | 11 | 11 |
07 Vestur | 8 | 3 | 2 | 3 | 10 | 13 | 11 |
Skála | 7 | 2 | 1 | 4 | 11 | 13 | 7 |
EB/Streymur | 8 | 1 | 1 | 6 | 10 | 16 | 4 |
B68 | 8 | 0 | 1 | 7 | 4 | 17 | 1 |
ÍF | 7 | 0 | 1 | 6 | 6 | 31 | 1 |
