Ongi úrslit

Fara nú at samráðast um at stytta arbeiðsvikuna

Áki Bertholdsen
4. august kl. 14:10

Tá ið samgongan varð skipað, var eitt av málunum at arbeiðsvikan skal styttast niður í 37 tímar.

Samgongan skrivar í samgonguskjalinum, at Arbeiðsvikan verður stytt niður í 37 tímar. Trípartasamráðingar verða tiknar upp um at stytta arbeiðsvikuna við einum tíma annaðhvørt ár, til hon er komin niður á 37 tímar.

Arbeiðsvikan verður skipað við lóg.

Men hetta hevur ikki gingið eftir ætlan, tí trýpartasamráðingarnar ímillum Landsstýrið, arbeiðsgevarar og fakfeløg bóru ikki á mál.

Og tað er tí, at partarnir á arbeiðsmarknaðinum semjast kki um málið, tí arbeiðsgevarar vilja ikki vita av ætlanini um at stytta arbeiðsvikuna.

Eitt skifti var eisini ætlanin at samgongan skuldi leggja uppskot fyri Løgtingið um at stytta arbeiðsvikuna við lóg, men tað fekst ikki politiskur meiriluti fyri.

Men Margit Stórá, landsstýriskvinna í arbeiðsmarknaðarmálum heldur fast um, at arbeiðsvikan skal styttast.

Og hon heldur enntá, at tað er tvingandi neyðugt at tað verður gjørt nú og tað skal gerat í smáum, har fyrsta stigið er at stytta arbeiðsvikuna ein tíma.

Samstundis ásannar hon, at nú trýpartasamráðingarnar miseydnaðist, má samgongan leggja á annan bógv.

Hon sigur kortini, at samgongan ætlar ikki at stytta arbeiðsvikuna við lóg. Hinvegin ætlar Samgongan, at hetta skal vera ein partur av næstu sáttmálasamráðingunum við fakfeløgini.

Mest lisið hesa vikuna

Royna av øllum alvi at fáa Smyril aftur í sigling um vikukiftið

6. oktober kl. 11:24

Hekkuportrið kundi havt kostað hundraðtals lív

21 tímar síðan

Stóð við opnum munni og polyppum

4. oktober kl. 20:45

Sær út til at vera tilætlað svik

6. oktober kl. 17:40

EFTIRLÝSING!

7. oktober kl. 22:15

Leiguíbúðir verða bygdar á Argjum og í Klaksvík

5. oktober kl. 14:39