Nú verður tað, at granskarar fara at kanna um tað er aling, sum er orsøkin til, at upsastovnurin er minkaður burtur í einki.

Hesi seinastu árini er fiskiskapurin eftir upsa bara ein viðfáningar av tí, hann hevur verið, og tað eru nógv, sum geva alingini skylduna.

Og tann 28. mai í 2021 vísti Dimmalætting eina mynd, sum vísir, at tað er neyvt samanhang ímillum alingina og fiskiskapin eftir upsa.

Sí myndina niðan fyri.

Tí hevur tað leingi verið tosað um at kanna hetta nágreiniliga, og tá ið Høgni Hoydal, landsstýrismaður í vinnumálum, setti aliráðstevnuna fyrr í vikuni, visti hann at siga, at nú verður tað.

– Eitt ítøkiligt mál, sum sjøtul verður settur á í næstum, verður at kanna, um samanhangur er millum laksaaling og støðuna hjá upsastovninum undir Føroyum, segði hann.

Hann segði, at eina av komandi vikunum fara granskarar á Firum og Havstovuni undir at kanna, um her er ein samanhangur ella ikki.

– Í hesum sambandi loyvi eg mær at heita á alifyritøkurnar um at samstarva væl við granskararnar, soleiðis at komið verður til eina grundaða niðurstøðu, ið annaðhvørt sannar ella avsannar hetta páhaldið.

– Allir partar – alivinnan, fiskivinnan og myndugleikar – hava felags áhuga í, at vit frameftir byggja okkara virksemi og ætlanir á væl grundaða vitan, segði Høgni Hoydal.