Tá ið ein maður í Havn fór at grava í túninum í gjár, gróv hann seg fram á ein lut, sum hann helt vera illgrunasaman.

Tað var sá út til at vera eitt stálhylki. Har var ein proppur í øðrum endanum við holum í, og inni í hylkinum var okkurt, sum líktust leidningum.

Løgreglan sigur, at tey tóku mynd av tí og sendu til Arktisk Kommando. Tað er vanlig mannagongd í slíkum førum og tey fara so at kanna, hvat hetta er fyri ein lutur.