Smittutalið í Danmark hevur í dag sett mett, og ikki færri enn 7.146 nýggir smittutilburðir eru staðfestir í dag.

Talan er kortini um eitt kunstiga høgt tal, upplýsir Statens Serum Institut fyri Berlingske.

Statens Serum Institut sigur, at útsving hava verið í kanningunum og í svartíðini, og hetta hevur havt við sær, at talið á tilburðum í gjár var ov lágt, meðan tilburðirnir í dag eru ov høgir.

Um hugt verður eftir, hvønn royndardag positivu kanningarúrslitini hoyra til, sæst, at smittan er meira jøvn um alt vikuskiftið.

220.896 PCR kanningar vórðu gjørdar í gjár, og 78 fólk vórðu innløgd á donsk sjúkrahús aftrat. Tilsamans 468 fólk eru í løtuni innløgd við koronu. 10 fólk í Danmark eru seinasta døgnið deyð við koronu, og tað merkir, at higartil eru 2.956 fólk deyð við koronu í Danmark.