Fáa bót fyri at brenna gamalt hoyggj

Í gjár varð ringt til løgregluna at boða frá, at onkur brendi bál í Kaldbak. Tá ið løgreglan kom á staðið, kundu tey staðfesta, at talan var um tað, tey kalla stórt bál.

Eitt bál, sum er meiri enn 1,2 metrar í tvørmát, er eitt stórt bál, og tað krevst loyvi frá kommununi at brenna stór bál.

Tað høvdu hesi ikki fingið og løgreglan sigur, at tí fáa tey bót.

Løgreglan sigur, at tað var gamalt hoyggj, og annað burturkast, sum tey høvdu gjørt bál burtur úr fyri lættari at sleppa av við tað.