Excelsior hevur opið skip í Havn í morgin
Træseglskipið, Excelsior, vitjar komandi dagarnar í Havn, og seinnapartin í morgin verður opið skip, har øll eru vælkomin umborð
Fríðmundur Nattestad
3. juni 2024 kl. 09:35
Í kvøld leggur søguliga træseglskipið, Excelsior, at í Havnini. Vakra træseglskipið, sum varð bygt í Lowentoft í Suðuronglandi, er frá 1921 og varð upprunaliga bygt sum fiskiskip.
Hesum boðar Visit Tórshavn frá í tíðindaskrivi.
Í sambandi við vitjanina, verður opið skip í morgin, týsdag 4. juni, frá klokkan 14 til 18. Øll eru vælkomin at fara umborð og fáa eina rundvísing.
