Ester Poulsen er nýggjur skúlastjóri á Giljanesi
Hon hevur drúgvar royndir sum lærari, KT-vørður og skúlavegleiðari, og hevur í tveimum umførum verið virkandi varaskúlastjóri
Undirvísingarstýrið
2 tímar síðan
Landsstýrismaður í barna- og útbúgvingarmálum, Djóni Nolsøe Joensen, hevur sett Ester Poulsen í starv sum skúlastjóri í skúlanum á Giljanesi.
Ester er 47 ára gomul og var útbúgvin lærari í 2006. Í 2015 tók hon Diplom á masterstigi í vegleiðing á Fróðskaparsetur Føroya. Í 2021 byrjaði hon at lesa MA í leiðslu og skipan.
Ester hevur drúgvar undirvísingarligar royndir sum lærari, KT-vørður og sum skúlavegleiðari. Harafturat hevur hon í tveimum umførum verið virkandi varaskúlastjóri.
Í løtuni starvast Ester í Skúlanum á Fløtum. Ester Poulsen tekur við starvinum 1. januar 2025.
