Eru farin í hagan í morgun at leita eftir fólki

Nú morgun hava fólk av Eiði ringt til løgregluna at boða frá, at tey sóu ljós í haganum oman fyri Tjørnuvík, út ímóti Stakkinum.

Løgreglan hevur síðani staðfest, at har eru fólk í haganum, men hvør tað er, vita tey ikki - og eingin hevur ringt til tey um at tey eru í neyð.

Men løgreglan sigur, at umstøðurnar eru sera vánaligar, tí har er bratlendi og tað er so hált, at tað er ikki ráðiligt hjá fólki at fara í hagan at leita.

Tí hava tey sent boð eftir tyrluni, sum beint nú er farin at leita.