Í dag, hósdagin 7. juli, fer U20-landsliðið í hondbólti undir EM-endaspælið í Portugal, og vit ætla okkum sjálvandi at fylgja við herheima.
Trappan í Vágsbotni verður karmur um hondbólt á stórskíggja, og hesaferð verður heldur ikki spart upp á krútið. Byrjað verður í dag, hósdagin 7. juli, klokkan 12, tá danir og føroyingar spæla fyrsta dystin í bólkaspælinum.
Skráin fyri dystirnar, sum verða vístir á stórskíggja, er hendan:
Hósdagin 7. juli kl. 12.00: Danmark – Føroyar
Fríggjadagin 8. juli kl. 12.00: Føroyar – Slovenia
Sunnudagin 10. juli kl. 12.00: Ungarn – Føroyar
Í sambandi við at EM-endaspælið hjá U20 í hondbólti sum verður víst á stórskíggja í Vágsbotni, verða hesir vegirnir stongdir hósdagin 7. juli, fríggjadagin 8. juli og sunnudagin 10. juli fyri allari ferðslu frá klokkan 11.30 til 14:
Mylnugøta
Bryggjubakki
Ferðsla frá Tórsgøtu fer einvegis eftir Vágsbotni út á Skálatrøð
