Tann 9. januar klokkan 18:00 okkara tíð, fer heimsins ríkasti maður nakrantíð, Elon Musk, at gera samrøðu við leiðarin í týska høgraflokkinum Alternative für Deutchland (AfD), Alice Weidel, á sosiala miðlinum hjá Musk, X. Tað vátta tey bæði á X.

Stutt fyri jól setti Musk eld í politiska landslagið í Týsklandi, tá hann á X skrivaði, at “bert AfD kann bjarga Týsklandi”.

Millum annað var sosialdemokratiski kanslarin, Olaf Scholz, alt annað enn fegin um útsøgnina.

-    Vit hava talufrælsi, sum eisini fevnur um multimilliarderar, men talufrælsi merkir eisini, at man kann siga ting, ið ikki eru røtt, og sum ikki eru góð politisk ráð, segði hann.

Tað er val í Týsklandi tann 23. Februar.