Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Bjarni Johansen, borgarstjóri í Vágs kommunu:
Hvat avrik í hesum valskeiðnum er tú fegnast um?
- Næstan alt sum je fór á val uppá, hava okur gjøgnumført. Víðkað barnaansingina, bátahylurin, ferðsluviðurskiftini við Vágs Skúla, spæliplássið í miðbýnum og vaskitænastan til eldri. Okur hava fingið vágbingin í fokus.
Hvat mál, sum ikki eydnaðist at loysa í hesum valskeiðnum, iðrar tú teg mest um?
- Spillivatnsætlanin er eitt mál, sum ikki er loyst, men har er nú ein loysn.
Hvat er størsta málið, sum er fyri framman, í komandi valskeiði?
- Eldraøki, bústaðir, spillivatnsætlanin og at gera Vágs kommunu klára til Suðuroyartunnilin.
Stillar tú upp aftur á komandi kommunuvali?
- Ja, je stilli upp til komandi kommunuval. Hetta hevur verið ein sera spennandi tíð sum borgarstjóri, sum hevur givið mær hug til at royna meira.
