Eingin flogferðsla er í dag

Tað er eingin ferðsla um flogvøllin í Vágum nú seinnapartin og í kvøld.

Flogfarið til Keypmannahavnar lætti úr Vágum klokkan 8.19 í morgun, og síðani hevur eingin ferðsla verið.

Orsøkin er tann, at tað er ov nógvur síðuvindur á flogvøllinum í Vágum. Hann er lágur í ættini, mest sum beinur sunnan, og miðal vindferðin er 16,1 m/s. Í hvirlunum er vindferðin omanfhri 22 m/s, og soleiðis verður tað eisini í kvøld.

Eitt flogfar átti sambært ferðaætlanini at farið til Keypmannahavnar klokkan 14.30, og tvey flogfør úr Keypmannahavn áttu at lent í Vágum – klokkan 13.40 og 18.30.

Fyrsta flogfarið úr Vágum í morgin fer sambært ferðaætlanini til Keypmannahavnar klokkan 8.20.