Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Ása Holm, borgarstjóri í Porkeris kommunu kommunu:
Hvat avrik í hesum valskeiðnum er tú fegnast um?
- Eg fegnist um, at fleiri ungar familjur hava búsett seg her í bygdini, og at vit hava fingið nýggja útstykking á Fløttinum – enn eru bara eini hús bygd, men tað koma fleiri.
Hvat mál, sum ikki eydnaðist at loysa í hesum valskeiðnum, iðrar tú teg mest um?
- Eg gangi vanliga ikki og iðri meg, men eg vildi ynskt at verið komin longur á leið við vetrarfriðing.
Hvat er størsta málið, sum er fyri framman, í komandi valskeiði?
- Tað er ringt at siga. Porkeri er ein lítil kommuna, ið hevur somu lógarkrøv sum tær størru kommunurnar. Spillivatnsarbeiðið skal verða liðugt í 2027, kirkjugarðurin má útbyggjast og vetrarfriðing má eisini arbeiðast við.
Stillar tú upp aftur á komandi kommunuvali?
- Ja, eg stilli uppaftur.
