Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Marita Sumberg, borgarstjóri í Viðareiðis kommunu:
Hvat avrik í hesum valskeiðnum er tú fegnast um?
- Síðani bygdaráðið tók við, hava vit arbeitt við verkætlanini um at byggja ein nýggjan dagstovn. Hendan verkætlan er nú skotin í gongd, og tað fegnist eg stórliga um.
- Eg eri sera fegin um, at dagtilhaldið á Viðareiði er latið upp, og um grundøkið á Viðareiði, sum er til sølu til íbúðarbygging.
Hvat mál, sum ikki eydnaðist at loysa í hesum valskeiðnum, iðrar tú teg mest um?
- Vit komu ikki serliga langt við at bøta um lendingina í Eiðsvík, tað iðrar meg.
Hvat er størsta málið, sum er fyri framman, í komandi valskeiði?
- Trupult at siga. Tað er altíð okkurt, sum ikki er komið heilt á mál, sum so gongur inn í næsta valskeið. Vónandi verður dagstovnurin tikin í brúk.
Stillar tú upp aftur á komandi kommunuvali?
- Eg havi ikki tikið støðu enn.
