Eg eri eitt sindur nervøs um hendan sangin

Væl umtókta songkvinnan Lena Andersen gevur fríggjadagin nýggjan sang út, og tað er nakað heilt serligt við hesum sangi.

Vanliga syngur Lena Anderssen, sum hevur kanadisk ættarbond, á enskum máli, men nú fer hon fyri fyrstu ferð at geva egnan sang á føroyskum máli út. Á seinastu útgávuni sang hon eitt føroyskt brot í endanum á eina sanginum. 

– Fríggjadagin kemur "Dugir Tú At Tosa Føroyskt" út. Hetta er fyrsta lagið av komandi føroyskmæltu útgávuni hjá mær. Og hetta er eisini fyrstu ferð, at eg syngi egið tilfar á føroyskum, so eg eri eitt sindur nervøs, sigur Lena Anderssen.

Fríggjadagin verður nýggi sangurin tøkur á stroymitænastum.