Í minsta lagi fýra brestir hava verið í ukrainska høvuðsstaðnum, Kyiv í morgun, og sambært einum ráðgeva hjá forsetanum, er talan um álop frá ”kamikaze dronum”.
Hetta sigur BBC í morgun.
Vitalii Klitschko, borgarstjóri í Kyiv, vil vera við, at íbúðarbygningar í Schevchevkivskiy býarpartinum eru raktir.
Fyri einari viku síðani framdi Russland nógv rakettálop á fleiri býir í Ukraina, teirra millum Kyiv, ið kostaði 19 fólkum lívið.
Tað er kortini ikki greitt, um nakar hevur latið lív í álopunum hesaferð.
Sambært BBC royndi verjan í Kiyv at skjóta dronurnar niður við loftverjuvápnum, og sjónbond á sosialum miðlum tykjast at vísa, at tað eydnaðist at skjóta eina dronu niður.
Umframt álopini á Kiyv eru í morgun eisini framd álop á havnabýin Mykolaiv, og sambært borgarstjóranum har settu álopini eld á fýra stórar tangar av sólblómuolju.
