Sambært størsta tíðindamiðlinum í Argentina, Clarin, er Maradona deyður av einum hjartatilburði.
Tað er bert nakrar fáa vikur síðani, at fyrrverandi fótbóltsstjørnan var innlagdur á sjúkrahús vegna vánaliga heilsustøðu, har hann varð skurðviðgjørdur fyri blóðsavnan í heilanum.
Maradona gjørdist 60 ár.
Hann verður av mongum skýrdur sum ein av heimsins bestu – um ikki tann besti – fótbóltsleikarin í heiminum. Men við stóru viðgongdini á vøllinum, líka so stóra mótgongd hevði hann uttanfyri vøllin, har serliga kokainmisnýtsla gjørdi seg galdandi.
Maradona helt til í býnum, Tigre, har hann eisini royndi at koma fyri seg eftir skurðviðgerðina. Sambært argentinskum miðlum, var hann eisini har, nú hann andaðist.
Kendastu málini
Bæði hansara kendastu mál komu í dystinum móti Onglandi í HM-endaspælinum í Meksiko í 1986, tá hann fyrst skoraði málið við "Guðs hond”, men síðani skoraði aldarinnar mál, tá hann rak við bóltinum frá egnari hálvu.
Maradona gjørdist heimsmeistari í fótbólti við Argentina í 1986.
Her síggjast hansara kendastu mál:
Málið við "Guðs hond"
Aldarinnar mál