Beint eftir klokkan eitt í nátt hendi ein vanlukka uttan fyri Hotel Hilton í Havn. Talan er ein mann, sum er dottin og fallið tók so fast, at hann doyði av løstinum.

Løgreglan sigur, at tað bendur á, at hann er dottin niður av einum garði, og fallið er einar tríggjar metrar.

Løgreglan veit ikki rættiliga, hvussu vanlukkan hendi og nú skulu avhoyringar gerast. Samstundis eru tað eisini fólk, sum skulu hava kreppuhjálp.

Men tað er alt, sum bendir á, at talan er um eina vanlukka, og ikki nakað brotsverk. Vitni vóru til hendingina og nakrar fyribils avhoyringar eru gjørdar, men nú skulu fleiri avhoyringar gerast.

Fólk vóru skjót á staðið, og tað var sjúkrabilur og løgregla eisini, men maðurin, sum er ein føroyingur í fimmti árunum, stóð ikki til at bjarga. Tey avvarðandi eru kunnað um vanlukkuna.