Kendi erkibiskupurin Desmond Tutu er deyður.
Tað upplýsir suðurafrikanski forsetin, Cyril Ramaphosa, sambært Reuters.
Eins og Nelson Mandela, so var Desmond Tutu ein av mest sjónsku røddunum í stríðnum móti apartheid-stýrinum í Suðurafrika.
Í 1984 fekk friðarheiðursløn Nobels fyri sín innsats, og í 1986 gjørdist hann fyrsti litti erkabiskupur í Suðurafrika.
Tá fyrsta demokratiska valið var í Suðurafrika í 1994, segði Desmond Tutu, at tað var “sum at blíva forelskaður” og segði seg droyma, at Suðurafrika bleiv ein ælabogatjóð.
Eftir at apartheid-stýrið hevði mist valdið, so kom Desmond Tutu at standa á odda fyri Sannleikans- og Sáttarnevndini, ið skuldi finna útav, hvat var gingið fyri seg undir apartheid-tíðini og fyri at hjálpa til sum sáttarmaður at savna ta syndraðu tjóðina, har til bar at játta sínar gerðir og fáa grið fyri at siga sannleikan.
– Andlátið hjá Desmond Tutu er enn eitt sorgarinnar kapittul, har vit siga farvæl við eitt ættarlið av framúrskarandi suðurafrikanum, sum vit arvaðu eitt frítt Suðurafrika frá, sigur forsetin í Suðurafrika, Cyril Ramaphosa, sambært Sunday Times.
Desmond Tutu bleiv 90 ára gamal.
