Demokratiskur leiðari bakkar Biden upp: - Eg eri við Joe

Demokratiski leiðarin í Senatinum, Chuck Schumer, stuðlar Joe Biden sum valevni floksins  til forsetavalið í november.

Tað segði hann í gjárskvøldið føroyska tíð, skrivar Politico.

-   Sum eg áður havi sagt: Eg eri við Joe, ljóðaði tað frá demokratinum, tá hann varð spurdur um Joe Biden hevur tað sum skal til fyri at sigra á Donald Trump í november.

Hann vildi tó ikki seta fleiri orð á, hvat hann heldur um uppstillingina hjá Joe Biden, skrivar Politico.

Sambært Politico hevur eingin demokratur í Senatinum alment heitt á Biden um at trekkja seg, men fleiri hava verið í iva um, hvør hann er førur fyri at sita sum forseti í fýra ár afturat.

Biden hevur fleiri ferðir staðfest at hann ikki trekkir seg.