Danski forsætisráðharrin álopin á opnari gøtu

Eingin álvarsligur skaði kom av hendingini, har forsætisráðharrin hevur fingið "lættari koyrilsbrest", sum danska forsætisráðið málber seg.

Sum skilst, fór hendingin fram miðskeiðis í Keypmannahavn á Koltorginum, har ein 39 ára gamal maður skumpaði og sló forsætisráðharran nærindis eini café. Stutt eftir varð maðurin handtikin.

Tann ákærdi, ið er polskur ríkisborgari, var í dag fyri grundlógaryvirhoyring. Hann er í fyrstu atløgu fongslaður í 12 dagar.

Maðurin noktar seg sekan.