– At dansa er at liva, sigur gamla orðatakið.
Og tað kunnu tey í Dansifrøi skrivað undir uppá, tí í dag kann dansifelagsskapurin hátíðarhalda, at tað eru 50 ár síðan, at Dansifrøi varð sett á stovn.
Tað vóru fólk, sum høvdu gingið til gamlan dans á dansiskeiði hjá Rhodu Rubeksen á vetri í 1971, ið tóku stig til at stovna dansifelagið tann 25. januar í 1972.
Endamálið hjá Dansifrøi er at:
1. Varðveita og nøra um áhugan fyri gomlum dansi / fólkadansi og at skipa fyri undirvísing í fólkadansi.
2. Skipa fyri undirvísing av ymiskum dansi.
3. Skipa fyri tiltøkum til frama fyri dansi og dansitónleiki.
Tað var ætlanin at hátíðarhalda stóra dagin hjá Dansifrøi í hesi vikuni, men tað er útsett ein mánað.
– Vegnað korona er hátíðarhaldið útsett til í mars mánað, skrivar formaðurin í Dansifrøi, Petur Petersen, á Facebook-síðuni hjá felagnum.
.png){kind=logo}
