Fríggjadagin 30. mai, er mentanarnátt á Tvøroyri og eitt høvuðstiltak í tí sambandi, er at tá fer navnframi bólkurin, Danny & The Veetos á pall á Tvøroyri.

Teir trinu á føroyska tónleikapallin í 2013 og tað var næstan beinanvegin, at teir vórðu fólkaogn, sigur Tvøroyrar kommuna í tíðindaskrivi.

– Við sínum væl ljóðandi, lívsglaða tónleiki, og frálíku røddini hjá sangaranum Danny Baldursson, bergtók bólkurin áhoyrararnar, siga tey.

Løg sum ”Sunnukvøld í mai”, ”Alright”, ”Farvæl” og ”stúr ei meir”, duga næstan øll.

Sama dag geva teir eitt nýtt lag út og tað verður sjálvandi eisini at hoyra.

Konsertin er í miðbýnum á Tvøroyri - og hon er ókeypis.