Fyrr í summar bað Boubacar Dabo B68 farvæl. Hann for av landinum, eftir at hann hevði sæð reyða kortið og síðani varð sektaður við longum leikbanni. Dabo spældi 11 dystir í bestu deildini, áðrenn hann fór av landinum, og hann skoraði tvey mál – bæði 30. apríl í 3-1 sigrinum ímóti ÍF á útivølli.
Nú er Dabo aftur á Svangaskarði, og í kvøld var hann fyri fyrstu ferð síðani summarsteðgin aftur í landskappingardysti. Tað var í næstbestu deildini, har B68 hevði vitjan av HB. B68 vann 3-1 eftir hálvleiksleiðsluna 3-0.
Boubacar Dabo legði í 12. minutti B68 á odda, og eftir stóran hálvan tíma øktu Esmar P. Clementsen og Óli H. Olsen um munin, sum altso var 3-0 eftir fyrra hálvleik.
12 minuttir undan leikloki minkaði Jógvan Esmar Ósá um munin til 3-1.
B68 er næstaftast við 17 stigum. Tað eru tvey stig fram til FC Hoyvík.
Skála | 18 | 15 | 1 | 2 | 51 | 10 | 46 |
NSÍ | 18 | 13 | 2 | 3 | 43 | 17 | 41 |
Víkingur | 18 | 11 | 1 | 6 | 41 | 28 | 34 |
KÍ | 18 | 10 | 0 | 8 | 35 | 30 | 30 |
B36 | 18 | 7 | 3 | 8 | 40 | 29 | 24 |
HB | 18 | 6 | 3 | 9 | 35 | 36 | 21 |
B71 | 17 | 6 | 3 | 8 | 30 | 35 | 21 |
FC Hoyvík | 18 | 5 | 4 | 9 | 27 | 41 | 19 |
B68 | 19 | 5 | 2 | 12 | 21 | 49 | 17 |
EB/Streymur | 18 | 1 | 3 | 14 | 17 | 65 | 6 |
Hinir fýra dystirnir í 19. umfari vera spældir í morgin:
KÍ – NSÍ: Áki Leitisstein Hansen kl. 18.00
Víkingur – EB/Streymur: Eiler Rasmussen kl. 14.00
Skála – FC Hoyvík: Høgni Madsen kl. 19.00
B71 – B36: Rani A. Skaalum kl. 16.30
