Corona: Noreg eisini stongt

Noreg, sum liggur á 3. plássið yvir harðast raktu londunum av corona smittuni, steingir nú eisini. 

Allir skúlar og dagstovnar steingja og øll tiltøk verða avlýst, boðar Erna Solberg, forsætisráðharri frá á tíðindafundi í dag. Verndar tiltøkini verða sett í verk eftir norsku smittuverndarlógini, og við heimild í henni, er forboð sett fyri mentanar-, ítróttar-, matastovu-, og frisør o.l vinnu. 

Vit stramma í nú, so vit heldur kunnu slakka eftir tørvi seinni, segði forsætisráðharrin við NRK.no

621 fólk eru smittaði av covid-19 í Noregi, 163 av hesum hava fingið smittuna staðfesta tað síðsta døgni. Eingin er deyður enn.