Christine McVie frá Fleetwood Mac farin

Christine McVie, sum var sangari og keyboardspælari í amerikansk-bretska rokkbólkinum, Fleetwood Mac, er deyð, 79 ára gomul.

Familja hennara boðar sambært BBC frá, at McVie andaðist í sjúkrahúsinum eftir sjúkralegu.

Christine McVie, sum varð fødd Christine Perfect, gjørdist partur av Fleetwood Mac í 1970, tá hon giftist við basspælaranum í bólkinum, John McVie.

Umframt at syngja og og spæla keyboard í bólkinum, skrivaði hon eisini nógvar av sangum teirra, millum annað Little Lies og Everywhere.

Christine McVie og John McVie fóru hvør til sítt í 1976, men hildu kortini fram í Fleetwood Mac saman, og plátan Rumours frá 1977 var fekk íblástur frá hjúnarskilnaðinum hjá McVie og McVie og hinum parinum í Fleetwood Mac, Lindsey Buckingham.

Christine McVie helt fram í Fleetwood Mac til 1998, tá hon gavst, tí hon ræddist at flúgva og vildi tí ikki fara á konsertferð við bólkinum.

Eftir at hava spælt við Fleetwood Mac til eina konsert í O2 Arena í London í 2013 gjørdi Christine McVie kortini av at fara upp í aftur bólkin. Christine McVie varð síðani partur av Fleetwood Mac, til hon andaðist.