Nú fyrrapartin hevur lutakast verið til fjórðingsfinalurnar í Champions League-kappingini.
Fleiri spennandi dystir standa fyri framman, har millum annað verandi Champions League-vinnarin, Chelsea, skal spæla móti Real Madrid.
Eisini hevur lutakast verið, hvørji lið hittast í hálvfinaluni, har Chelsea kann hitta eitt annað enskt lið, spælir London-liðið seg víðari, tí vinnarin av dystinum millum Chelsea og Real Madrid skal møta vinnaranum av dystinum millum Manchester City og Atletico Madrid.
Fyrru fjórðingsfinalurnar verða spældar tann 5. og 6. apríl, meðan returdystirnir verða spældir vikuna eftir.
Fyrru hálvfinalurnar verða spældar tann 26. og 27. apríl, og seinnu dystirnir verða leiktir tann 3. og 4. mai.
Finalan verður leikt í París tann 28. mai.
Champions Leagues fjórðingsfinalurnar eru hesar:
Chelsea-Real Madrid
Manchester City-Atletico Madrid
Villarreal-Bayern München
Benfica-Liverpool
Champions Leagues hálvfinalurnar síggja soleiðis út:
Manchester City/Atletico Madrid-Chelsea/Real Madrid
Benfica/Liverpool-Villarreal/Bayern München
