Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Linjohn Christiansen, borgarstjóri í Skálavíkar kommunu:
Hvat avrik í hesum valskeiðnum er tú fegnast um?
- At vit komu í gongd við eina risastóra smoltstøð. Síðani stóra verkætlanin á Mølini innan ferðavinnu. Ferð er eisini sett á íbúðarbygging saman við MARK, og MBM fer eisini undir osta- og ísframleiðslu.
Hvat mál, sum ikki eydnaðist at loysa í hesum valskeiðnum, iðrar tú teg mest um?
- Drúgva tíðin við Lívfiskastøðini grundað á spurningin um hvør eigur vatnið í Føroyum.
Hvat er størsta málið, sum er fyri framman, í komandi valskeiði?
- Búðstaðarmøguleikar fyri ungar familjur, við kappingarførðum prísum. Somuleiðis barnagarður og fríðtíðarskúli til nýggja ættarliðið. Økir til vinnulív, og bygdin fyrireikast til burðardygga ferðavinnu.
Stillar tú upp aftur á komandi kommunuvali?
Hevði ikki hug at svara spurninginum.
