Mentamáladeildin hjá Tórshavnar kommunu skipaði mánakvøldið fyri evniskvøldi um Tórshavnar býarsavn, sum í næstum fer undir at skipa virksemið hjá savninum.
Kvøldið byrjaði við einari sirpu av løgum hjá Simma, sum Kim Hansen og Edvard Nyholm Debess framførdu á flygli og kontrabassi, skrivar kommunan á heimasíðu síni..
Forkvinnan í mentamálanevndini, Gunvør Balle, greiddi frá yvirskipaðu ætlanunum fyri Tórshavnar Býarsavn, og umboð frá mentamáladeildini greiddu frá yvirtøkuni av savninum hjá Birgari Johannesen og viðtøkunum fyri býarsavnið.
Á leið 100 áhugaðir borgarar vóru komnir saman í Auluni í gjárkvøldið, og nógv góð hugskot komu fram í ljósmálan. Við evniskvøldinum var sjøtul settur á drúgva arbeiðið at víðarimenna Tórshavnar býarsavn, og forkvinnan í mentamálum og starvsfólk á mentamáladeildini fegnast um stóra áhugan fyri býarsavninum.
Vónandi verður klárt at bjóða borgarum og vitjandi innar í nýggja býarsavnið tíðliga í komandi í ári.
