Nú um vikuskiftið hevur innbrot verið í Rúsuni á Sandi. Løgreglan sigur, at innbrotstjóvurin hevur brotið ein rút fyri at sleppa inn.

Hann hevur eisini verið inni, men sum tey duga at síggja, hevur hann ikki stolið nakað.

Løgreglan sigur, at tey kanna málið, og at tey hava ymsar slóðir at elta.

Tey kanna eisini vakmyndatól í Rúsuni og eisini vakmyndatól í Sandoyartunlinum fyri at vita, um nakar bilur er farin gjøgnum tunnilin, sum kann tengjast upp í innbrotið.

Men løgreglan heitir eisini á fólk har um vegir, sum hava sæð nakað illgrunasamt, um at siga frá.