Nú fyrrapartin hevur bretski forsætisráðharrin, Boris Johnson, staðið skúlarætt í bretska Undirhúsinum, eftir at tað er komið fram, at havaveitsla varð hildin í mei í fjør á Downing Street nummar 10, sum er almenni bústaðurin og embætisbústaðurin hjá bretska forsætisráðharranum.
Fyri Undirhúsinum viðurkendi Boris Johnson, at hann hevði tikið lut í hesi veitslu, hóast restin av Stórabretlandi var afturlatið vegna koronustøðuna tá.
Tað skrivar BBC.
– Eg ynski at biðja so hjartaliga um umbering, sigur Boris Johnson við limirnar í bretska tjóðartinginum.
Hann legði doyðin við, at hann helt, at talan var um “eitt tiltak í samband við arbeiði”, tá hann fór í veitslu í havanum í Downing Street nummar 10.
Her leggur bretski forsætisráðharrin seg skerflatan fyri Undirhúsinum:
