Biden yvirhálar Trump í Pennsylvania
Tíðindi er júst komin inn, at Biden er farin framum Trump í Pennsylvania. Tað vátta fleiri miðlar – eitt nú Fox News – júst nú
Sigurjón Einarsson
6. november 2020 kl. 14:01
Nýggj tøl eru júst komin frá uppteljingini í Pennsylvania. Joe Biden hevur yvirhálað Trump, forseta. Hetta vátta fleiri miðlar – millum annað Fox News.
Fyri stuttari løtu síðani førdi Trump statin við 18.000 atkvøðum, men nú er Biden farin framum við knøppum 5.600 atkvøðum, sambært tíðindastovuni, AP.
Nú eru 98% av atkvøðunum taldar upp.
Ein sigur í Pennsylvania merkir, at Biden fer yvir teir 270 valmenninar, ið krevjast fyri at vinna forsetaembætið.
Tað skal tó sigast, at allar atkvøðurnar ikki eru taldar upp enn.
.png){kind=logo}
