Eysturkommuna hevur keypt eitt neyst við sandin við Bug í Leirvík. Tvey almenn baðirúm við brúsu verða gjørd til hugnaliga økið við sandin í Leirvík.
Neystið, sum stendur á matrikul 257, stendur beint við Mataránna og liggur sostatt væl fyri í mun til sandin.
Kommunan sigur, at hesi almennu baðirúmini fara at koma væl við fyri tey mongu, ið leita sær oman á sandin ein góðveðursdag.
Harafturat er sjódipping blivið populert, og nú fáa tey, ið dáma væl at leypa út í kalda sjógvin, lættari atgongd til brúsur beint við sjóvarmálan, skrivar heimasíðan hjá Eysturkommunu.
300.000 krónur eru settar av til arbeiðið. Kommunan ger arbeiði sjálv og arbeiðið er so smátt farið í gongd, skrivar kommunan.
Kelda: Eysturkommuna